Nuwe myn ‘sal duisende hul huise kos’

Written by  Elise Tempelhoff Wednesday, 31 May 2017 07:22
Rate this item
(0 votes)

Byna 10 000 mense sal verskuif moet word as Anglo Operations Ltd en Canyon Coal hul sin kry om ’n massiewe oopgroefsteenkoolmyn oos van Springs te begin.

Die myn lê stroomop van die Blesbokspruit by Aston Lake.

 

Ontstelde inwoners van die gebied sê hul menseregte sal geskend word as die Palmietkuilenmyn die groen lig van die department van minerale bronne kry.

 

Volgens die omgewingsimpakverslag vir die beoogde myn is dit noodsaaklik dat steenkool in Suid-Afrika ontgin word om in die land se behoeftes te voorsien en ’n kragkrisis te voorkom.

 

Stefaans Erasmus, inwoner van die gebied, sê as die myn goedgekeur word, gaan die Marievale Ramsargebied opdroog, produktiewe plase sal moet sluit en duisende mense wat in ’n informele nedersetting woon, sal verskuif moet word.

 

Luidens die impakverslag wat opgestel is deur die omgewingskonsultante Digby Wells sal die beoogde oopgroefmyn maandeliks 200 000 ton steenkool lewer. Die maatskappy sê steenkool is ’n baie belangrike deel van Suid-Afrika se energiemengsel. Die beoogde myn gaan sowat 201,9 ha (die grootte van sowat 400 rugbyvelde) beslaan. Die myn se infrastruktuur gaan vleie vernietig wat op sowat 53,3 ha (106 rugbyvelde) voorkom. Vyf panne gaan ook in die slag bly. Die myn se leeftyd word op 53 jaar gestel.

 

Digby Wells erken in die verslag die beoogde myn word beplan in ’n “ekologies sensitiewe gebied”.

 

Philip de Jager, regsverteenwoordiger van ’n groot groep mense wat deur die beoogde myn geraak gaan word, sê die inwoners skop vas en sal nie toelaat dat Anglo met sy planne voortgaan nie.

 

Hy skryf in ’n brief aan die departement van minerale bronne dit is vreemd dat Eskom in die volgende paar jaar vier kragstasies wil sluit omdat daar ’n oormaat krag in die land is. Mense bespaar krag en wend hulle al hoe meer tot sonenergie.

 

Mariette Liefferink, direkteur van die Federasie vir ’n Volhoubare Omgewing (FVO), wie se hulp deur die inwoners ingeroep is, sê dit is skokkend dat die staat toelaat dat ’n gebied wat ekologies so waardevol is potensieel aan mynboubedrywighede onderwerp word.

 

Sy sê die regering moet nou reguit vir die mense van Suid-Afrika sê of hulle die hele land “wil laat opmyn”.

 

Pleidooie om ekologies sensitiewe gebiede te vrywaar teen mynbou het die afgelope agt jaar op dowe ore geval, het sy gesê.

 

Moeketsi Mofokeng, woordvoerder van Anglo Coal, het gesê hy sal later meer besonderhede verskaf oor dié maatskappy se oënskynlike voortgesette belange in steenkool.

 

Anglo het onlangs aangekondig hy gaan sy steenkoolmyne in Suid-Afrika verkoop.

 

Belanghebbendes het tot Maandag kans om kommentaar op die omgewingsimpak te lewer. Dit is verkrygbaar op Digby Wells se tuisblad.

MINING

Open-cast· coal mine a threat to Springs wetland

WITH hands covered with liver spots, Stan Madden points out the expanse of Aston Lake glimmering  in  the  distance Fields of near-ripened meal­ies and clusters of soya beans stretch across this fertile, wet­land-sodden landscape on the outskirts of Springs

Tough times for S.Africa town blighted by mine closure

The closure of the mine at Blyvooruitzicht, which sat on one of South Africa's r...

R60 Billion held for mines that are never closed

Never-before-seen data shows a fortune has been set aside for mine rehabilitatio...

SA NEWS

Nuwe myn ‘sal duisende hul huise kos’

Byna 10 000 mense sal verskuif moet word as Anglo Operations Ltd en Canyon Coal hul sin kry om ’n massiewe oopgroefsteenkoolmyn oos van Springs te begin.

SA coal mines leave legacy of ruin

Johannesburg - A 19-month data investigation of mine closures indicates that since at least 2011 no large coal mines operating in South Africa have been granted closure.

Besoedelingklagte: Mynbase daag nie by hof op

Drie direkteure van die Blyvooruitzicht- en Village Main Reef-goudmyn buite ­Carletonville kan ’n boete van tot R10 miljoen of tien jaar tronkstraf opgelê word weens die beweerde besoedeling en agteruitgang van die omgewing.

LLM/MPhil in Environmental Law Programme launched

  The Department of Public Law at the University of Pretoria hosted a launch of its LLM and MPhil programmes in Environmental Law, coordinated by Ms Melanie Murcott, Senior Lecturer, Environmental and Administrative Law, in February 2017.

WATER

Eastern Basin acid water plant is "sledgehammer"

The Department of Water and Sanitation (DWS) has used a "sledgehammer" for its R1bn treatment plant for acid mine drainage (AMD) on the Eastern mining basin that could ultimately create more toxic water.  This is the view of water strategy and consulting mining hydrologist Kym Morton, who believes government is "wasting money" by pumping large volumes of water and adding lime that makes it alkaline but still toxic and hazardous. 

SABC Health Talk, Environmental Health: 25 February 2017

Focus on preventing illness rather than incurring the expense of treatment....

Rand Water tightens the taps in Gauteng

In the Midvaal suburb where Sipho Mosai lives, the gardens are lush and green be...