Wildtuin-lodge vir R17,5 m. verkoop

Written by  Wednesday, 06 May 2009 08:10
Rate this item
(0 votes)

Die Ngonyama Lion Lodge in die ekologies vernietigde Krugersdorp-wildtuin is gister op ’n veiling in Sandton, in die noorde van Johannesburg, vir R17,5 miljoen aan ’n onbekende koper verkoop.



Dié bedrag is onaanvaarbaar, het mnr. Paul Winterstein, direkteur van die afslaers Aucor, ná die veiling gesê.

Volgens hom is dit Beeld (en sy onthullende berigte oor die wildtuin se swak ekologiese toestand) se skuld.

Beeld het verlede week berig die Krugersdorp-wildtuin is ná 120 jaar se mynboubedrywighede ekologies byna vernietig en suur mynwater word voortdurend in die Tweelopiespruit – die enigste waterbron – gestort.

Die sediment in die rivier is radioaktief en besoedel met massiewe hoeveelhede soute, arseen en ’n mengsel van ander swaar metale.

Omgewingskenners verwys na die water in die Tweelopiespruit as “verdunde batterysuur”. Alle lewe in die rivier is reeds vernietig.

’n Emosionele me. Elna Brink, uitvoerende hoof van African Bush Adventure (ABA) wat die wildtuin van Mogale City huur en die lodge bestuur, het gister ná die veiling aan Beeld se joernalis gesê haar berigte het groot skade aangerig.

Van die afslaers het gesê Beeld “vernietig” mense en die koerant verstaan nie die “volle prentjie” nie.

Me. Mariette Liefferink, direkteur van die Federasie vir ’n Volhoubare Omgewing (FVO), wat ook die veiling bygewoon het, het gesê die regering en die goudmyne het ’n morele en wetlike plig om die rivierstelsel te herstel.

Sy het gesê die kopers het die lodge nie in “isolasie” gekoop nie. Die rivier wat verbyvloei, die lug en die grond is alles deel van die “groter prentjie”.

Dis nie net die Tweelopiespruit wat besoedel is nie, maar die hele Krokodilrivierstelsel (wat deel van die Limpoporivier is), het Liefferink gesê.

Dit bedreig ook die Sterkfonteingrotte se integriteit omdat die suur mynwater die dolomiet in die omgewing wegvreet.

Winterstein het vroeër gesê die afslaers sou byna R3 miljoen aan kommissie kry. Sy kollegas het gister gesê as Brink die koop goedkeur, sal hulle nou net R1,7 miljoen (of 10% van die verkoopprys) aan kommissie kry.

Mnr. Steve van den Bergh, afslaer by Aucor, het vroeër aan Beeld gesê Brink het nie die volle omvang van die ekologiese probleme aan hulle onthul nie.

Toe Beeld hom daaroor inlig, was sy eerste reaksie: “Dis skokkend.”

Beeld het verneem daar is glo ’n koper wat “aansienlik” meer vir die lodge wil betaal.

Luidens ’n navorsingsverslag van die Raad vir Geowetenskappe beland 100 t sout daagliks in die Tweelopiespruit. WNNR-navorsingsverslae wys die boonste 20 cm van die grond in die omgewing is ook erg besoedel.

Mnr. Dan Mashutusho, munisipale bestuurder van Mogale City (met wie ABA ’n huurooreenkoms het wat eers oor ’n paar jaar verstryk), het gesê hy het die raad se regsverteenwoordigers beveel om die verkoop te ondersoek.

MINING

BASEL GOLD DAY - HOW TO OBTAIN CLEAN GOLD: THE FSE'S PRESENTATION

Please find the following attached for download: 1. Basel Gold Day: How to obtain clean gold - the consumer perspective 2. Basel Gold Day: Presentation by the FSE

PROPOSED ARTISANAL MINING POLICY - DMRE'S PRESENTATION AND FSE'S SUBMISSION

Attached for download: 1. ASM Policy 20202. FSE's Submission...

SA NEWS

FSE - DONATION OF TREES AND TREE PLANTING IN SIMUNYE, WEST RAND IN ASSOCIATION WITH SOUTH DEEP MINE

The FSE, in association with Gold Fields’ South Deep Mine, donated 40 white Karee Trees (Searsia penduline) during Arbor Week to the mining affected community of Simunye in the West Rand and participated in the tree planting ceremony with the community of Simunye, the local Municipality and officials from South Deep Mine.  The FSE also delivered a presentation during the ceremony.

"Varkies" gou op hok, maar als nie pluis | Beeld

Article also available for download as an attachment.

Radon Alert - Carte Blanche

Millions of South Africans are exposed to radioactive radon gas in their homes and workplaces every day, as the naturally occurring gas escapes through cracks in the earth. The second leading cause of lung cancer in several countries, radon breaks down and when inhaled, decaying atoms emit alpha radiation that can damage the DNA. There are no safe levels of radon concentration. The United States Environmental Protection Agency emphasises any radon exposure has some risk of causing lung cancer. Carte Blanche investigates why South Africa has no regulations to protect against radon accumulation in the home and what you can do to test your home and prevent lung cancer.   Watch the video here.

WITS Economics & Finance Courses: Mining for Development: The Taxation Linkage

Economics & Finance Courses at the University of the Witwatersrand. Mining for Development: The Taxation Linkage - Understand taxation for development and sustainability in mining. View the course here. Enrolment starts on the 7th of October 2019.

WATER

UNPACKING THE LATEST DEVELOPMENTS IN WATER

PDF article attached for download.

The Federation for a Sustainable Environment’s ongoing role in addressing the sewage pollution in the Vaal River

‘People the same as pigs’ in the VaalBy Sheree Bega | 16 Oct 2020 Foul: Pigs ro...

POLLUTION OF THE VAAL RIVER INTERVENTION AS PRESENTED at Rietspruit Forum - Aug 2020

The Intervention document is attached for download....