Besoedeling

Inwoners van die Ermelo-gebied is saam met die omgewingsgroep die Federasie vir ’n Volhoubare Omgewing (FVO) ontsteld omdat die myngroep Xstrata Coal vier nuwe steenkoolmyne in die omgewing wil begin.

Steenkool is ’n belangrike hulpbron vir Suid-Afrika. Dit word uitgevoer en verdien belangrike buitelandse valuta, die myne skep werk en ons elektrisiteit word steeds hoofsaaklik met steenkool opgewek.

Water is egter ook ’n belangrike hulpbron, veral in Suid-Afrika wat nie ’n oorvloed het nie en waar klimaatsverandering vir die nabye toekoms voorspel word.

Die FVO en die inwoners van Ermelo wys op hul ervaring in die verlede toe steenkoolbedrywighede waterbronne nadelig getref het.

Die myngroep sê hy het ’n groot bedrag geld opsy gesit om die omgewing te rehabiliteer en water te suiwer.

Die breë ervaring in Suid-Afrika tot dusver was egter eerder dat die besoedeling wat mynbou veroorsaak, nie behoorlik herstel word nie, al was geld opsy gesit daarvoor.

Dit is dalk tyd dat die nasionale regering vernuwend tot kwessies soos hierdie toetree.

Verwagte klimaatsverandering, ’n groter bevolking en die sigbare feit dat mynbou wel waterbronne beïnvloed, beteken waarskynlik dat herstelpraktyke uit die verlede nie meer heeltemal toepaslik is nie.

Nuwe omstandighede vereis dat belangebotsings van hierdie aard in vandag se konteks ondersoek behoort te word.

Beeld

Leave a Reply

Your email address will not be published.

Related Posts

Begin typing your search term above and press enter to search. Press ESC to cancel.

Back To Top