Hotelgroep bekommerd oor Sun City se water

Sun Internationaal is bekommerd oor die voortbestaan van Sun City omdat die hotelgroep onseker is oor sy water veiligheid.
“Ons is bekommerd oor die huidge en toekomstige watersituasie in die omgewing van Pilanesberg.”

So het John Lee, ‘n direkteur van Sun International, gister by die nuutgestigte Waterforum vir die Groter Pilanesberg in Johannesburg gese.  Volgens Lee wil Sun City graag uitbrei, maar rooi ligte oor volhoubare, skoon watertoevoer na die hotelgroep begin flikker.
Volgens Lee skep Sun City 6 000 volhoubare werksgeleenthede.  Die 6 000 mense onderhou sowat 50 000 ander wat deel van hul families en gesinne is.
Bart Dorrestein, voorsitter van die Legacy-groep wat onder meer lodges in die omgewing van die Pilanesberg-natuurreservaat bestuur, het gese platinum-myne kom die gebied teen ‘n geweldige tempo binne.
“Water begin ‘n baie sensitiewe kwessie raak.  Ons en die myne sal ‘n sensitiewe balans moet kry,” het hy gese.
Volgens Dorrenstein wil die toerismebedryf in die Pilanesberg-gebied “op ‘n baie professionele wyse” met alle watergebruikers in die streek saamwerk.  Die myne bring ekonomiese groei, maar volhoubare groei sonder skoon, betroubare water is onmoontlik.
‘n Myn se leeftyd is gewoonlik net 30 jaar.  Die toerismebedryf is daarom angstig om ‘n toekomsplan vir die gebied te kry.
“Ons het diere en biodiversiteit om te beskerm,” het hy gese.
Dorrestein het gese die Pilanesberg-gebied is op drie na die grootste toerismegebied in Suid-Africa.  “’n Plan oor die streek se water moet dringend ter tafel gele word.”

Leave a Reply

Your email address will not be published.

Related Posts

Begin typing your search term above and press enter to search. Press ESC to cancel.

Back To Top